The Walking Dead (aktuell S9)

[zeromeier]

das topic macht mich mittlerwiilä rächt hässig. ich lueg nachher e5, sie isch sicher guet.

dadebii wird ich mir kei sekundä über logikfehler gedanke machä

[zeromeier]

e5, sie isch sicher guet.

isch guet gsii

[BrainBug]

let me do it. he's my husband ....wtf

[zwirrlibatz]

s isch ja nid so als wüsste die überläbende wie das zombie züg würd funktioniere. si hend ja kei ahnig. alles was si wüsset isch: zombie biss = tötet dich und macht dich selber zum zombie.

glaub nid mänge vo denne het en mensch umbracht wo nachher nid vo zombies isch ufgfrässe worde.

S'meischtens ehner mangelnde Wüsse über s'Zombietum vo de Lüüt i dene Gschichte isch im übrige de Hauptgrund werum Zombies i säbne so guet wie nie als solchi bezeichned werded. Dadrzue siehe em Shaun sis Statement.

[h4xX0r]

e5, sie isch sicher guet.

isch guet gsii

bescht serie vo de letschte paar jahr.
s'geile isch, du chönntsch alli teil ohni pause nachenand luege und es wär kei minute langwiilig.

[Acid]

Han diä 5. also nid grad de überhammer gfundä. Chamer luege, hoff das s Finale aber wieder echli meh bringt.

Glaub diä 5. hani diä schlächtischt gfundä bis jetzt. Diä 1. glaub immerno diä bescht, alli andere öpä glich guet.

[President Evil]

die Szene mit em Husband isch no grob gsi..

[Sephi]

5ti Folg, eini vo de beschte bis jetz hanis gfunge, und es chunnt geographischi Bewegig is Spil, wasi sowieso fantastisch finge!!!

Läck die Serie, soooo guet! Es isch genau en Serie wie ig se wott, GENAU! Und das im gliiche Johr wie Boardwalk Empire. Mi Chopf explodiert.

SCHPOIL: D Szene wo die angeri langsam als Zombie wach wird hetmi kaputt gmacht, KAPUTT!

[thaeye]

also au die 6. folg isch super. uusert d explosion scho sehr kitschig, i de grossufnahm stönd d auto eifach nömm döt. die haets sicherlich au mitblase bi dere druckwelle. aber naja isch gueti sach.

[blackraini]

BOOM!

[grappagott]

ja, das git aber no e zwoiti staffle oder?

[h4xX0r]

super serie gsie, die letscht folg aber die schlächtischt finde

[Acid]

han diä säxt au nid so guet gfundä... öpä ähnlich schlächt wiä die füft.

Bitz schad für die Serie am Afang super, und gäg Schluss eifach no schaubar, nüm würklich speziell. Hoff nöchscht Season gots so guet witer wiäs agfangä hed, und blibt au super...

De Darabont will jo glaub d Writer uswächslä, bzw. freischaffendi Schrieber beuftragä, und diä vo derä Season nümä neh.

[zeromeier]

und diä vo derä Season nümä neh.

sehr guet! d'gschicht isch tatsächlich immer tümmer wurdä. wo s'erscht mal das lächerliche labor vorcho isch, isches wie imenä verschissnä b-movie gsii.

[zwirrlibatz]

omg redet ihr wieder weli folg besser als weli isch....

[zeromeier]

omg redet ihr wieder weli folg besser als weli isch....

? nei.

d'serie hed super agfange, isch denn sehr guet wurdä und in guet gändet. besser wär, sie wär immer super gsii.

[Sephi]

So isches! Konstant hochs Niveau gsi bis uf die letschti Folg, die isch qualitativ ganz dütlech abgfalle! Nid dass si schlächt wär gsi, aber het nid zum Räscht vor erschte Staffle passt.

Aber ebe, der Darabont het sämtlechi Writers entloh und setzt ir zwöite Staffle (wo confirmed isch, für die wos noni gläse hei) uf Freelance writers, wie öpper scho erwähnt het!

Aber insgesamt e hammer Sach gsi di erschti Staffle!

[zwirrlibatz]

die bislang letscht isch die sächst, nödwahr? was zum henker fallt a dere ab? säged euch usdrück wie pacing, dynamik, dramaturgie, spannigsböge und -ufbau, iifüehre vo und erwiitere uf neui figure und handligsort und möglichi wändige und böde lege für s'wiiteri gscheh und überhaupt s'GANZE 1X1 VOM GSCHICHTE VERZELLE irgendöppis?! verschiedeni folge händ verschiedeni funktione für "teh big picture". kännsch? ich glaub das amigs eifach nöd...

[zeromeier]

die bislang letscht isch die sächst, nödwahr? was zum henker fallt a dere ab? säged euch usdrück wie pacing, dynamik, dramaturgie, spannigsböge und -ufbau, iifüehre vo und erwiitere uf neui figure und handligsort und möglichi wändige und böde lege für s'wiiteri gscheh und überhaupt s'GANZE 1X1 VOM GSCHICHTE VERZELLE irgendöppis?! verschiedeni folge händ verschiedeni funktione für "teh big picture". kännsch? ich glaub das amigs eifach nöd...

s'labor macht mich hässig, de typ im labor langwiilt mich, alles wo mitm labor zämehangt, inklusiv de lächerlich billige explosion isch im verglich zum rescht vodä serie schlächt.

bescht isch gsii, dass die völlig teilnahmlos schwarz mitm andere typ im labor blibä isch

[zwirrlibatz]

s'labor macht mich hässig, de typ im labor langwiilt mich, alles wo mitm labor zämehangt, inklusiv de lächerlich billige explosion isch im verglich zum rescht vodä serie schlächt.

bescht isch gsii, dass die völlig teilnahmlos schwarz mitm andere typ im labor blibä isch

alles super isch das. de typ i sim labor. mega. e neui/anderi komponänte. i allne guete zombiegschichte sind d'zombies nur näbesach. sis schicksal und sini persönliche schlüss drus pralled uf de andere ihri und zwinged dich als zueschauer zum e position bezieh. vorusgsetzt me will mitdänke.

am beschte wärs wenn d'hauptgang jetz vo ort zu ort flüchtet und's so zu jenschte subgschichte chunnt. wie's übrigens so näbebii vo afang ah dernah usgseh hett.

[O_O]

z ändi vo ep5 und die ganz ep6 hend en lost vibe gha. leider sinds wükli die schlechtischte gsi. in beid episode hets chum zombies gä. schad.

[h4xX0r]

am beschte wärs wenn d'hauptgang jetz vo ort zu ort flüchtet und's so zu jenschte subgschichte chunnt. wie's übrigens so näbebii vo afang ah dernah usgseh hett.

so isch es au, sie münd ja irgend wo chönne wohne

[h4xX0r]

mich hät die sechst eifach am künschtlichschte dunkt vo allne, au die beinahe vergewaltigung hani total überflüssig gfunde, das brucht die serie eifach nöd.

[zeromeier]

mich hät die sechst eifach am künschtlichschte dunkt vo allne, au die beinahe vergewaltigung hani total überflüssig gfunde, das brucht die serie eifach nöd.

usserdem hed das labor "billig" gwirkt, ich HASSE billig gmachti serie/film.

s'umereise isch aber wüki geil, söteds jetzt ununderbrochä machä. sozsäge e asammlig vo madmax film mit zombies, bescht.

[Guave]

mich hät die sechst eifach am künschtlichschte dunkt vo allne, au die beinahe vergewaltigung hani total überflüssig gfunde, das brucht die serie eifach nöd.

zumindescht könne mir fascht sicher sii, dass die Romanze nümme wird ufflamme. Alles andere wär grenzdebil.