Vil Lüt bliibed bi irgendwelchne Fantasy Romän, Biographiä vo irgendwelchne sogenanntä Promis oder Büecher drüber wiemer meh Gäld verdient vo Lüt wo ihres Gäld mit Büecher drüber wiemer meh Gäld verdient verdiened.Xinobrax2 hat geschrieben:Sicher, aber det isches halt so, dass vili Lüt bi irgend emene Medium blibed unds denn au grad aboniered. Es lauft eifach alles vil zentraler ab...die Artikel wo du denn leztendlich überchunsch hesch ja nid würklich selber usgwählt...si werded dir eifach regelmässig gliferet vonere Quelle wot als vertrauenswürdig erachtisch. Das woti ja au nid pauschal verurteile...mir isches eifach sympatischer, wemer selber imene gigantische Archiv mues nach öpis interessantem sueche. E Bibliothek isch chli wie es offline Internet
Und ich han d Artikel insofern sälber usgwählt, wiä ich usgwählt han, i weli Zitig/Zitschrift ich inälueg, weli dasi au würklich lisä, und sälbscht nochher chani immer no entscheidä öps überhaupt en guete gsi isch (wenn nid hani aber wahrschindlich vorem Schluss ufghört).
Wemer es Buech lisst, isch das doch au nid andersch. Irgendwiä chunsch jo zum Entschluss, weles Buech das willsch läsä. Villicht wirdsder vom Buechhändler deines Vertrauens Empfolä. Nur scho welä dasses isch, isch entscheidend. Wenn in Buechladä/Antiquariat gängtsch wo ich gschaffed han, wärsch ziemlich sicher miteme andere Buech usä, wiä wenn in Wältbild gosch, womer letschti bim verbielaufä es Titelblat ufgfallä isch: "Ein medizinischer Insider packt aus...". Hanmi grad müese frögä was denn en medizinischä Insider isch, und wassen dur das dasses medizinisch isch, vomene ganz normalä Insider unterscheided.
Wen i de Biblithek bisch, chunds druf a a weles Regal das gosch, und unter was das stöberisch. Und es chund ufd Biblithek a.
Villicht heder öper en Tip geh vo de Bekanntä...
Villicht känsch de Autor und lisisch drum alles vo dem will de guet findsch, oder vo eim hesch eis gläsä wo nüt hesch chönä afangä mit, jetzt lisisch vo dem keis meh...
D Frog isch wiä sehr mer sich defür interessiert wasmer konsumiert, mit was füreme Bewusstsi, mit weler Intention dassmers macht etc.
öb das Film sind, Büecher, Zitigä, Internetz... chasch überall am Schrott hängä blibä, und chasch überall genials Züg gseh. S Einzig was villicht isch, isch dasses bi de Büecher villicht am eifachschtä isch de Schrott z ignoriere. Bim Internet wahrschindlich öpä am schwierigschtä.