[spiritualität] meditiere und eso züg

[Mastler(P)]

Quelle


Quelle jepper scho erfahrige gmacht da?


ich ha mal vor öppe 10 jahre churz s bwustsi verlore und bin denn im ne wiise rum gsi. wie i dä matrix, nüht um mich usser.. wisses liecht.
es isch glaub eh liecht näbligi wahrnehmig gsi, chli wie i mine träum. aber es isch sehr fridlich und beruhigend gsi.
denn isch dstimm vo mim kolleg wo mich grüeft hät uftaucht und isch langsam lühter worde und ich bin wieder i mim körper ufgwacht.

liss jetz sit em monet über obe's, ha aber chum technike usprobiert. bin aber wieder regelmässiger am meditiere und versuech jetz stilli zkultiviere.
sött no sehr hilfrich si. ich cha mich uf jedefall vill besser ah mini träum erinnere und chan jetz au paar sache interpretiere.

träum = wichtig.

aber eigentlich han ich wäg mine mangelnde erfahrig das thema nonig welle ahschnide.
die videos obe hani aber no frisch gfunde und en drang gha das sie zteile.

namasté, ihr crack niggas.

[abyss]

Git gloub kei Nacht, woni nid träume. Und es isch meischtens huere abgfahrne Scheiss. Wär interessant, weme das chönnt ufnäh uf Video.

[Mastler(P)]

zur interpretation: es auto oder anders fahrzüg isch es hüfigs symbol für dis läbe oder dä momentani kurs vo dim läbe.
es huus isch praktisch immer representativ für din verstand oder dini persönlichkeit.

häsch du wiederkehrendi träum?

[Xinobrax2]

Ammm...ich erinnere mich fasch immer a mini Träum....einigi devo sind sogar luzid. Ich chan us eigener Erfahrig sege, dass objektivi Traumdütig Blödsinn isch. So Ussage wie "es Auto beüted das und es Huus bedüted das" sind eifach falsch. Nur de Träumendi selber chan d Träum entschlüssle will nur er dejenig mitem Bezug zu dene Projektione isch.

Wenn ich zu dir chume und mir i dim Huus beidi es Bild alueged, denn aktiviert das i dim Hirn anderi Strukture als bi mir. Bi dir weckts d Erinnerige wo du s Bild her hesch, sit wenn dases scho hesch usw.. Us minere Perspektive hingege wird s Bild mit dir assoziiert und d Erinnerig fangt ersch a dem Punkt a. Unter umstände träumed mir beidi mal vo dem Bild, aber au denn hets für dich wider e anderi Bedütig als für mich. So isch das mit sämtliche Objekt und mögliche Projektione.

Mittlerwile chani mini eigne Träum zimlich guet düte. D Uslöser sind übrigens oft gar nid mal unterbewusst sondern ligged relativ offesichtlich i de Erlebnis vo de vergangene 3 Täg.

[Herr Rossi]

Git gloub kei Nacht, woni nid träume. Und es isch meischtens huere abgfahrne Scheiss. Wär interessant, weme das chönnt ufnäh uf Video.

Tröime au vil krasses Züg, atomari Kataschtrofe, Flüchtlingshilf, Mord, Diebschtahl. E Klassiker isch z.b. e VW-Bus schtäle, Lüüt mitnäh und uf de Flucht Polizischte überfahre oder abschiesse wo mich wend schtoppe. Oder Gwalt bim Sex, teilwis chranks Züg. Suscht bini ja e sehr fridliche Typ, evtl e Schizophrenie wo nur im Underbewusstsii schtattfindet? Egal, ich freu mich amigs uf die Tröim, hed ja kei Konsequenze

[Xinobrax2]

Hey, sonen VW Bus Flucht Traum hani au! S tolle a de widerkehrende Träum isch, dass si mit jedem Mal luzider und dadurch interaktiver werded

[Herr Rossi]

Bi vor ca 15 Johr mol am ne Seminar für luzids Tröume gsii. Dur das i dere Ziit extrem vil bewusst tröimt, hed mir sehr ghulfe dennzumal de ganz suizidali Scheiss vo de damalige Fründin schneller zverarbeite. Wär wider mol Ziit zum usmischte, gschider als zum Psychiater.

[Mastler(P)]

ich verstah dini argumentation xino. jedoch ha mer scho paar träum vom ne "profi" dühte lah, und es isch krass uf was für sache er chunt wo ich generell säge muess, hey das stimmt. das hät en direkte bezug zu mim läbe. er hät au vo universeller symbolik gred, huus und auto han ich vo ihm übernoh.

warum? will er mich mit sim skill, und das nöd nur ih traum dütig überzoge hät.

das träum generell mit gschehniss us dä letschte täg zämmehänged chani au nöd ganz understriche, au wenn die ahnahm wieder sehr ihlüchtend schient und ebe doch oft stimmt. ich han nämlich 2 mal i dä wuche vo kämpf träumt. 1 mal geg bayonetta mässigi monster (ha nur s 1 vor 2 jahr oder so gspillt) und 1 mal geg mit schwerter bewaffnete japse.

uf was es hidühtet hät, vorallem bim 2te isch das ich schiens wuet ih mir han, mit mir ume träg, aber ich bi mir dem nöd bewusst gsi.
nach längerem überlegge hani abher doch gfunde dass da was dra isch.
im zweite traum nämlich han ich gar nöd kämpfe und töde welle, sondern mich dä situation und gwallt ahpasst, was schiens heisst das ich nöd über d'ursach gnau bscheid weiss.

s "schräge" isch, ich weiss oft das ich im traum bin, mach aber nie en check oder so sondern lahs eifach sin weg gah und beobachte.

rossi, söll i din traum mal zur analyse wieterleite? chasch vilicht gnau vo som ne traum verzelle?

[Xinobrax2]

K, das meusi ev. chli genauer usfüere....

Dases sowas wie universelli Symbol git mag stimme. Allerdings lit das dra, dass vili Lüt vo de gliche Bedürfnis und Sorge prägt sind wenns um so Sache wie Autos oder es Huus gat. Parallele sind drum sehr wahrschinlich, aber nid zwingend und abhängig vo de jewilige Kultur.

Das mit dene 3 Täg hani in erster Linie uf d Symbol bezoge. Mal agno du träumsch öpis wo idR nüt mitem Alltag z tue het. Nemedmer mal a du träumsch vomene Zebra. Oft isches denn so, dasd innerhalb vo de verganegene 3 Täg irgendwenn mal es Zebra gseh hesch. Im TV, ufeme Plakat, imene Comic, egal wie. Entscheidend isch nur, dass s Element "Zebra" im Hirn triggeret worde isch. Bi mir isches zumindest so, dass ich bestimmti Element usem Traum immer uf irgend es bestimmt Ereigniss us de vergangene Täg chan zrugfüere. Das bedüted jetzt aber nid, dass de Traum an sich nüt mitem Unterbewusste oder mit lang vergangene Erlebniss chan z tue ha. Träum hend oft au widerkehrendi Muster, über Jahre hinweg. De Punkt isch, dass nid s Zebra, sondern s Muster s Symbol isch. S Zebra chent im nögschte Traum wider öpis völlig anders si. En witere Grund, warum di allgemein Traumdütig imo oft falsch lit...

s "schräge" isch, ich weiss oft das ich im traum bin, mach aber nie en check oder so sondern lahs eifach sin weg gah und beobachte.

Es git vili verschideni Ebene....und di bewusstischt ereichsch nur selte. Ich mag mi z.B. na guet anen Traum erinnere, woni imene Lade gsi bin und bim Lese vo de Priisschilder gmerkt han, dasi träume. De nögscht Gedanke isch den aber gsi "wow, ich chan mir i dem Lade alles ne wasi will oni z zale". Dass mir all die Sache gar nüt bringed wili mi ja imene Traum befinde ischer i sebem Moment aber nid ganz klar gsi. Das isch so s übliche Stadium vo de luzidität. Halb wach, halb bewusst. Du träumsch quasi, dasd merksch dasd träumsch und verwachsch trotzdem nid 100%.

[Mastler(P)]

yup, danke fürs usfüehre.

[zwirrlibatz]

Nur die generisch oberflächlich Taschebuechratgebertraumdüütig isch unzuelässig. Zbsp dass en Baum oder e Spinne grad sofort für alli s'gliiche bedüüte sölle. Es gitt aber sehr wohl Symbol oder Situatione wo für alli Träumer ähnlichs bedüüte. Sooo individuell simer dänn leider doch nöd. Herti Iisicht aber he nu. Me hett i de Traumforschig feschtgschtellt, dass bestimmti Muster bi allne uf ähnlichi Läbenssituatione verwiese. Flucht-, Flüüg-, Lähmigs oder Bedrohigsträum zbsp. Individuell isch halt, was genau de eint vom Flüüge träume laht. Gwüssi Traumsymbol unterscheide sich vo Kulturkreis zu anderne, anderi sind sich sehr ähnlich, und das über Jahrtuusig scho poschtuliert. Dadrus schlüsst me au uf es evolutionär gmeinsams Bewusstsii, was no rächt spannend isch.

Nähmemer nomal d'Spinne: Sälbscht wenn öpper kei Angscht vor Spinne hett, chan er en Angsttraum mit Spinne ha, will er so oft ghört hett, dass Spinne ekligi Viecher sind und Angscht mache sölle. So manifeschtiere sich die au i sim Traum als Träger vo sine Ängscht. Oder es Huus bedüütet zwar für vieli was anders. Die einte händ eis, die andere wünsche sich eis, die letschte händ sich no nie Gedanke drüber gmacht. Aber im Unterbewusstsii und daher im Traum isch es Huus es Dihei, es Schutz, es Gfängnis, das wo generell drmit assoziiert wird. Da cha me no so uf Individualität poche, mir sind leider derart trotzdäm "manipuliert" und über Assoziatione hett me im Traum kei Kontrolle. Also chan öpper sehr wohl vomne als allgemeingültig erklärte Symbol mit Bedüütig tröime obwohl für ihn das Symbol im wache und krass individuelle Läbe die Bedüütig gar nöd hett. Im Sinn vo "es träumt mir" statt "ich träume dass...". Da setzt die seriös Traumforschig mit Düütige vo Symbol, öb dingliche oder situative, denn au ah im Gägesatz zu ebe de fumf Frangg Ratgäber.

S'Traumdüüte macht vorallem schwer, dass d'Hauptsache, also das wo will düütet werde, nöd zwingend im Traumvordergrund stöhnd. Heisst, me träumt stundelang vomne Zebra und überluegt de chlii Chäfer wo ganz schnäll im Hintergrund verbiihuscht aber de wär ebe de Schlüssel gsi.


Da no chli was zu Luzide Tröim: http://www.world-of-lucid-dreaming.com/" onclick="window.open(this.href);return false;

[Xinobrax2]

Ja das bringts wohl in etwa uf de Punkt.

No was zum luzide träume, bi mir het das was si uf dere Site "Dream Recall" nenned am beschte funktioniert. S luzide träume chunt normalerwis ganz vonelei. S Problem wo di meischte Lüt wohl hend isch, dass si sich gar nid an iri Träum chönd erinnere. Wenn sis chented, würdeds im Traum vo selber widerkehrendi Element erkenne und merke dass si träumed. S Erinnere an sich isch au kei Kunst wemers direkt nachem ufwache versuecht. Wemer de Traum mal rekonstruiert het, blibter aschlüssend au in Erinnerig...und wemer mal demit agfange het wirds mit de Ziit au immer eifacher und irgendwenn sogar selbstverständlich. Schad, dasmer so Zügs nid i de Schuel lernt...

Edit: Sehr interessant isch übrigens au na Calea Zacatechichi. Sehr intensiv und trippig

[abyss]

Aso i gses wie dr Xino. Träume ou hüfig vo Sache voni gseh, erlebt oder drüber nachedenkt han. Das wir när gmixt und voilà hani de Troum. Aber vergisse sehr schnell wider was isch gsi. Die Schlimmste Tröim si iegendwo abekeie oder vomene Tier, z.B. Bär verfolgt z werde. Einisch bini mit de Schi voll garacho überne Schanze. Ach du gagge, sicher 20 meter überem Bode gsi! Bir Landig bini när ufwachet.

Mängisch bini ganz flatsch nach dene Tröim. Und i rede gloub ono hie und da im Schlaf, nume versteits niemert. Und di Szene, Personewechsel si mängisch ou crazy.

[Herr Rossi]

@Mastler
Wenns dich interessiert chasch das gärn mache. Schribe schpöter mol im Whatsapp

[Mastler(P)]

S Erinnere an sich isch au kei Kunst wemers direkt nachem ufwache versuecht. Wemer de Traum mal rekonstruiert het, blibter aschlüssend au in Erinnerig...und wemer mal demit agfange het wirds mit de Ziit au immer eifacher und irgendwenn sogar selbstverständlich. Schad, dasmer so Zügs nid i de Schuel lernt...

Edit: Sehr interessant isch übrigens au na Calea Zacatechichi. Sehr intensiv und trippig

und danke, muess das chrut mal abchecke.

Und di Szene, Personewechsel si mängisch ou crazy.

wenn du im traum oder ich säg mal im astralkörper bisch chasch du immer sofort dini umgebig verändere oder wo ane gah, nur mit gedanke.
ha das grad letschti im ne traum au churz brucht. dini gedanke = dini realität. und im geist isch das sofort umgsetzt.

Wenns dich interessiert chasch das gärn mache. Schribe schpöter mol im Whatsapp

eher wenns dich interessiert.
han eifach gfunde es töhnt no spannend und konfus unds wär sicher na interessant zum gseh was dä ander meint.

[Xinobrax2]

Edit: Sehr interessant isch übrigens au na Calea Zacatechichi. Sehr intensiv und trippig

und danke, muess das chrut mal abchecke.

En guete S isch wahrschinlich s bitterschte Gsöff wot je wirsch konsumiere....aber es funktioniert

[Herr Rossi]

Wenns dich interessiert chasch das gärn mache. Schribe schpöter mol im Whatsapp

eher wenns dich interessiert.
han eifach gfunde es töhnt no spannend und konfus unds wär sicher na interessant zum gseh was dä ander meint.

Ich finds au schpannend, aber d Meinig vo dem interessiert mich eigentlich nid =)
Ich kenne mini Schterchene, Schwächene, wunde Pünkt und Abgründ. Ich go lieber all paar Monet Familiufschtellige go mache, das bringt mich persönlich vorwärts.

http://www.a-pg.ch" onclick="window.open(this.href);return false;

Super Kursagebot und ständig wachsendi Inhalt.
Fange nöchscht Johr de Läbenscoach ah.

Traumdütig isch eis vo de wenige Theme woni nid ganzheitlich cha aluege. Gseh das wenn denn eher wie de Xino.

Mer setted mol ändlech öpis abmache, wird Ziit

[Mastler(P)]

En guete S isch wahrschinlich s bitterschte Gsöff wot je wirsch konsumiere....aber es funktioniert

wenn du wüsstisch was ich scho alles uf mine psychonaute missione abeglehrt han.
aber wenn grad säge chasch wo ich am liechtischte dra chum, nur zue! ich würds begrüesse.

Ich finds au schpannend, aber d Meinig vo dem interessiert mich eigentlich nid =)
Ich kenne mini Schterchene, Schwächene, wunde Pünkt und Abgründ.

das han ich eich au gmeint. nur bruchts amigs chli länger um sich über dä inhalt vom unterbewusst si, klar zsi.
und träum chöne richtig interpretiere hilft da extrem.

wenn du ah so en kurs gasch würsch ja gspannt uf dä input lose. dä typ wo ich mein isch über 70, glernte psycholog, meditiert sitt jugend und isch dä chef i dä astralwelt. desdo mi ich vo ihm läs, desto meh bin ich vo sim wüsse überzoge. wüsse dur erfahrig, aso richtigs wüsse.
aber ebe, was ich säge will: wenn dich dmeinig vom ne lehrer bim kurs interessiert, gseh ich nöd warum dich dmeinig vom andere sött chalt lah. aber fair.

Fange nöchscht Johr de Läbenscoach ah.

cool!
"NLP, Quantenheilung, Hypnose, Kinesiologie, Psychologie, Coaching, SEP, Systemische Aufstellungen usw." da isch ja en bunte huufe. nlp, naja.. aber kinesiologie isch sicher sehr nützlich.

vilicht sött ich au mal so epis mache damit ih nachr s schöns diplom fürd dwand han und so epis mit guetem gwüsse brueflich chan mache.
physischi representatione mached sich no guet, au wenns dä weg nur teilwiis zbeschriebe vermag wod gange bisch.

Mer setted mol ändlech öpis abmache, wird Ziit

ja eh, come at me bro. und susch hani eigentli scho vor mal wieder an eh gn zcho.

[Xinobrax2]

En guete S isch wahrschinlich s bitterschte Gsöff wot je wirsch konsumiere....aber es funktioniert

wenn du wüsstisch was ich scho alles uf mine psychonaute missione abeglehrt han.
aber wenn grad säge chasch wo ich am liechtischte dra chum, nur zue! ich würds begrüesse.

Es toppt Ayahuasca i de Ekelskala

Chaufe chasches z.B. bi Azarius: http://azarius.de/smartshop/herbs/herbs ... ream_herb/" onclick="window.open(this.href);return false;
Obs guet isch weissi nid, ich hans na nie bi Azarius pstellt. Da s sowiso legal isch findsch sicher au i de Schwiz es paar Shops wos verchaufed...
Ich set eh au widermal pstelle. Im Moment hani nur na es paar Blettli...leider zwenig für e Würkig...

Edit: OMG, Azarius akzeptiert jetzt au Bitcoins

Must....resist...

[Mastler(P)]

Es toppt Ayahuasca i de Ekelskala

hui, jetz bini aber no gwundriger. ha scho versuecht aya selber zmache us andere pflanze mit dä gliche würkstoff.
nachr gmerkt das mis gsöff vill zu dickflüssig gsi isch. isch härter abe als s richtige züg.
stepperaute schmöckt so chli wie bitters holz. mis wiise shirt hät immerna en flägg wo nöd use gaht.

mercie.

[zwirrlibatz]

ja nöd bewege bim ufwache. sobald ich mich umdreihe bim ufwache isch d'erinnerig an traum weg. aber mängisch gitts eis schlüsselobjekt vom traum, wo spöter in sinn chunnt und dadrmit de ganz traum wieder. super. tröime sowieso super. wie es zweits läbe.

luzid gaht leider nüme wie au scho. ich han in-traum triggers wo mir säb bewusst mache, aber ebe, früehner meh als hüt. vilech schlaf ich besser... luzidi tröim versetze eim in en art allmachtsituation und säge nöd wenig über eim us. spannend.

[Xinobrax2]

Sureali Allmacht...

S git trotzdem no es paar komischi Grenze. Ich hans z.B. na nie gschafft eifach irgendwelchi Gegeständ erschine z la. Ich chan aber z.B. zum nögschte Schrank ga, ufmache und de Gegestand isch det drin. Oder bi chlinere Sache eifach mal in Hosesack lange und denn isches det. So Zügs findi na lustig. Obwohl sich schinbar sämtlichi Grenze uflösed muesmer sich trotz allem no anes paar Regle us de Realität halte. Spannend sind amigs au d Gspröch. Vor allem bi Persone woni au usem Wachzuestand kenne. Eigentlich müesstmer ja aneh, dasmer i dene Gspröch nur Antworte überchunt womer au erwarted. Statdesse entwickled sich d Gspröch mengisch ine Richtig wo völlig unvorhersehbar isch. Die Gspröch beschäftiged mi nachem Ufwache amigs am meiste. Wie bereits witer obe beschribe versuech ich d Element usem Traum immer uf irgendwelchi Erlebnis zrugzfüere....aber bi dene Gspröch isch das mengisch unmöglich. Mer redet teilwis über Sache womer im Wachzuestand na nie gstreift het und wo teilwis au überhaupt nid zum Gspröchspartner passed.

Btw, s bescht isch imerna flüge. Seltsamerwiis chani selte vomene normale luzide Traum us eifach flüge. Was aber hüfig vorchunt isch, dasi während em flüge luzid wirde. Das isch eini vo dene Situatione wo bi mir fasch immer de "aha, da stimmt öpis nid" Effek uslöst....

Öpert set mal es Manual schribe....s nämt mi wunder ob die Grenze individuell oder universal sind...

[zwirrlibatz]

Obwohl sich schinbar sämtlichi Grenze uflösed muesmer sich trotz allem no anes paar Regle us de Realität halte.

nur wemme im traum immerno a dene regle hangt. das muess me sich usetrainiere bzw imne luzide traum jede zwiifel überwinde chöne. isch schwierig, will wemme sich astrengt, verpufft de traum. also cool bliibe isch dä gratwanderndi trick. denn chasch alles ändere, schtüüre, beiiflusse.

gspröch sind super. will es sind ja üsi traumpartner wo eus verkörpere, also nur projektione, egal was sie säge und mache, mir gäbe dene immer s'skript und dänn macheds so ganz komischs züg. ok e paar sind erinnerige a lüüt und situatione aber sälbscht denn isch immerno euses hirni dä reschissör und verbüügt die eventuell wahrheit.

[Xinobrax2]

Obwohl sich schinbar sämtlichi Grenze uflösed muesmer sich trotz allem no anes paar Regle us de Realität halte.

nur wemme im traum immerno a dene regle hangt. das muess me sich usetrainiere bzw imne luzide traum jede zwiifel überwinde chöne. isch schwierig, will wemme sich astrengt, verpufft de traum. also cool bliibe isch dä gratwanderndi trick. denn chasch alles ändere, schtüüre, beiiflusse.

Wenis schaffe, d Grenze ufzlöse, verschwinded au d Luzidität wider, denn verschwimmt alles chli und ich lande imene völlig neue Szenario oni jeglichi Kontrolle und oft au nur mit schwache Erinnerige am nögschte Morge. Wenis z fest versueche wachi tatsächlich uf. Nur zwüschet dene beide Extrem isch d Luzidität vorhande...au nach mehrere Jahr het sich da dra leider nie was gänderet.

gspröch sind super. will es sind ja üsi traumpartner wo eus verkörpere, also nur projektione, egal was sie säge und mache, mir gäbe dene immer s'skript und dänn macheds so ganz komischs züg. ok e paar sind erinnerige a lüüt und situatione aber sälbscht denn isch immerno euses hirni dä reschissör und verbüügt die eventuell wahrheit.

Logisch betrachtet mueses so si...aber mengisch sinds halt würklich eifach Diskussione usem Nichts oni Bezug zu irgendwas. De denksch denn amigs nachem Ufwache "Weder ich na de Gspröchspartner heted i de Realität jemals so öpis gseit". Kennsches ja sicher au...

[Mastler(P)]

aso manuals und regle gitts eigentli scho. wenn mer wükli obe isch langed au dä gedanke, "paris, jetzt" damit du in paris bisch.
ich han das letschti selber im ne traum gmerkt. bin im ne huus am rede gsi und ha mi gfrögt wies huus eigentli usgseht und schwupps bini davor gstande.
denn hani wieder welle zu dä andere inne und schwupps, wieder dinne. es isch instant.

ich würd au säge dass das mit dä traum diskussione usm unterbewusstsi oder vom ne "höchere aspekt" vo dir chunt.

was aber no spannender isch, find ich, sind ebe anderi dimensione und wäse etc. zerkundige und so chli zum ursprung vo allem zrugg zgah.
isch halt scho geiler wenn das vor dim tod chasch mache. chasch die erfahrige teile, interessente dä weg zeige und dich ustusche.

ha grad hüt s "a brief tour of higher consciousness" vom benthov empfohle becho. säg super eifach gschriebe und heg gueti informatione.

consciousness expansion
ah fuck, ich muess wieder meh meditiere.