[OT]Generelles Politik-Topic

[thaeye]

ich verstahne ned, wo du en widerspruch gsehsch zu minere ussag?

es isch uf jede fall so, dass für die meischte blue collar jobs, wo schwizer ned mached, arbetschräft usem usland inegholt werded. ich schaff selber imene betrieb mit hunderte söttige lüt. dementsprechen bestaht eusi underschicht us vielni immigrante und d'kriminialitäts statistike spieglet das wieder.

dasses secondos besser mache chönd mueschmer ned verzelle, ich han ade kanti und ade uni gnueg söttig kenneglernt. aber ich bezwifle kei sekunde, dasses die einiges schwieriger gha hend als ich wo useme wohlhabende schwizer hus chume.

es wird bi iwanderer und bi schwizer beides geh. gsehns ja bi mir und i mim umfeld. ich hans au sehr schwierig gha als chind und mir sind sehr arm gsi. waemme arm ufwachst, haetmes immer schwieriger egal vo wellere herkunft.

es werdet kei lüüt importiert will d schwiizer d arbet nöd waend mache, isches ammemärli . es werdet lüüt importiert will die eifach günstiger sind, ganz eifach. wenn du das dim gschäft abchaufsch, isch das dini sach.

das mit em schwieriger isch i gwüsse bereiche so, aber du übertriebsch massiv. den sind kulturelli und apassigsschwierigkeite die grössere hindernis als d möglichkeite i de schwiiz sich uezschaffe. ich sgsehn kei schwizer chef meh siit ca. 10 jahr.

[thaeye]

au interessant:

http://www.nzz.ch/meinung/political-cor ... s-ld.90416" onclick="window.open(this.href);return false;

edith: hani scho mal postet ich tubel

[Moff]

aug, mir sind gar nid gross anderer meinig, weiss gar ned was du hesch

du suechsch wieder mal feindbilder und leisch andere dini wahnvorstellige is mul und nennsches denn klischee

ich bin übrigens gar ned so sozial, ehner sgegeteil, mir sind anderi lüt ziemlich egal, immigrante ehrlich gseit bsunders. aber ich bin de innere überzügig euse friede und wohlstand i dem land chunt vom sozialismus.

und logishc hends all schwierig wo arm sind egal welcher herkunft, wie chunnsch druf, dass ich was anders meine?
aber ebe die immigrante wo für blue collar jobs dahi gholt werded sind ebe arm und mached en unproportional grosse teil vode arme us, logisch oder?

und ich bin überzügt es git vieli jobs wo schwizer schlicht ned mached, und selbstverständlich spielt au de tüfi lohn det en rolle, hangt doch alles zäme. wenni würd 20k pro monet für im mac ade kasse becho würdi das au na mache. aber ebe scheiss jobs für scheiss lohn, für das holemer immigrante ie. ich red da ned vom mac sondern zB logistik wo de ganz tag ide chälti 5kg schweri chischte gschleppt werded. vo dene bruchts 10tusigi logisch gits det kein guete lohn, brucht au 0 qualifikatione. kein schwizer macht das.

iets tönsch aber ehner du so als würsch vo "böse schwizer" rede wennmer usländer holt für tüfi löhn, das findi hingege übrigens würklich scheisse, aber das gsehn ich persönlich iets ehner bi hochzahlte jobs, en kolleg vo mir isch projektleiter bide novartis und sis team isch komplett dur inder ustuscht wurde, wo in indie schaffed und er in basel. ganz anders thema und anders kaliber.

[siralos]

es werdet kei lüüt importiert will d schwiizer d arbet nöd waend mache, isches ammemärli .

bei uns in der bude kommt samstag immer nen putz-team um in der kaelte ca. 6° die anlage zu sauebern. das ganze team besteht aus sri lanka oder inder.....die schweizer sind sich zu fein fuer nen hungerlohn diese arbeit zu verrichten, dasselbe sieht man ja auch bei der erdbeer oder sonstige ernte auf dem feld.

in der alten firma haben sie manager aus frankreich und deutschland geholt um hoehere stellen zu besetzen, das auch nur wegen dem lohn....da haste schon recht.

@moff:

das mit der logistik kann ich dir bestaetigen, von ca. 30 angestellten sind ca. 8 schweizer, davon 4 schichtleiter etc. also keine fusstruppen. selbst die auslaender die hier zur probe arbeiten, haben teilweise das handtuch geworfen da es eben nicht gerade einfach ist, bei 6° die schweren waren herum zu schleppen und das zu nem hungerlohn.

[Herr Rossi]

Bi üs chömeds am 10 cho butze und gönd am 5i wider. I de Nacht verschtoht sich, und i de nid gheizte Halle, sind nur Afrikaner und ei Rumän. Die läbed all nid im Aug sinere Traumwelt...

[Jones]

ich han das wohl ned so präsent wie du, ich glaube in ferguson ischs nur ussag vom polizischt gsi, nöd? und charlotte het sich nach dere enthüllig dmeinig rasch gänderet.

ich hab ja recht aktiv im GAF, wo extrem links und anti-cop isch, ersch recht für US verhältnis, und au det hetmer verständnis für polizei wenn de täter bewaffnet isch, kei frag

die schlimme fäll sind bide unbewaffnete

ja ursprünglech isches am officer wilson si ussag gsi. und dere het meh ke gloube gschänkt. wieso o? grundsätzlech gloubt meh eh immer lieber irgendwelche bystanders, wo säuber dubiosi gstalte si als eme cop.
d'ungersuechig vom DOJ (dept of justiice) het de aber ergäh, dass sini ussag wahr isch gsi. am täter sini DNA isch überall dert gfunde worde (am chrage vom cop, im innere vom outo) wo sie sicher nid hätt chönne si, wenn's so abgloffe wär, wie verbreiet worde isch. sogar die ussag vomene züge vo wäge "hands up don't shoot" het sich als lüg usegstellt. z'ganze motto vo black live matters basiert auso ufere lüg... lol

tja, leider z'spät gsi. d'NY Times het scho am cop sini privatadresse veröffentlecht und er het si job müesse ufgäh und unertouche. -> läbe ruiniert. danke medie!
und in charlotte het d'stimmig äbe nid chehrt nur wägem video und de neue fakte... die lüt si so verblendet vom hass, wo d'medie gschürt hei, dass ihne fakte egal si...
freie press in aller ehre aber mängisch sött meh o die chönne zur verantwortig zieh...

[Jones]

S isch doch en Tüfelschreis...genau wie i de Schwiz. Woni im Knast gsi bin hets mi zerscht au chli überrascht, wieviel Usländer det drin sind...aber denn hani festgstellt, dass fasch alli wege Straftate drin sind, wo ca. 80% vo mine Schwizer Kollege au scho begange hend...si sind halt eifach mitere Verwarnig devo cho.

du ungerstellsch de richter, dass sie lüt für die genau gliche tate verwarne, wenns schwizer si und verurteile und isperre, wenns usländer si? das si herti vorwürf, die hätti auso gärn chli gnauer beleit.

füre effektivi gfängnisstraf bruchts nämlech viu. ersttäter chöme idR grundsätzlech mau nid i knascht bis zume relative höhe grad a krimineller energie. da bruchts scho ziemlech es heftigs delikt, dass als ersttäter unbedingt bechunnsch.

meh darf das nid verwächsle mit lüt, wo bedingti geldstrafe bechöme, wieder straffällig wärde und die straf denn nid chöi zahle und sie göh gah abhocke. das si 2 paar schueh...

[Xinobrax2]

S isch nur n halboffene Vollzug gsi und de Richter unterstelli überhaupt nüt. Das mit de Verwarnig beziet sich uf d Polizei. Ich bi selber au scho weg Weed, Acid, MD, DMT, Amphi und was weiss ich nid alles mitere Verwarnig devo cho. Ich bi damals eigentlich nur dri cho, will de Psitzer vomene Huus womer psetzt hend e Azeig erstattet het...vor dere Azeig het d Polizei nüt unternoh...die sind sogar ziemlich nett gsi...sind halt mobili Beamti in blau...ich mag d Polizei Aber ebe...es schint so, als würded manchi Polizischte bi Usländer härter dure griffe...sicher nid alli...ich will da nid pauschalisiere.

[Jones]

husbsetzer chöme grundsätzlich mitere verwarnig dervo weisch... richi sei dank... lol

[Xinobrax2]

Naja, ich hans ja nid nur uf mich bezoge. N Kolleg hends ersch grad vor einige Täg mitere ziemlich grosse Alag verwütscht. (50 Lampe +) und de hets doch tatsächlich irgendwie gschafft de Staatsawalt devo z überzüge dases für de Privatgebruch isch. Er isch halt chli en Bünzli und Teilziit-Nazi, alles in allem en ziemlich umgängliche Typ. Ich bezwifle mal daser da gschafft het, wener schwarz gsi wär

Hemer eigentlich Polizischte da im Forum?

[Jones]

guet... das mitem gras...
dä vorwurf chasch de aber nüm dr polizei mache das wär de am staatsi si Bock...lol

[Jones]

e schwarze wo gras apflanzt kenni o nid.. lol

[abyss]

Ach, isch das schön gsi mit de Hanflädeli wos früecher hett gäh... Rouche sälte bis nie, aber mängisch würdi gärn eis motte...

[thaeye]

han letschti au bsuech vo de polizei dihei gha, sind eifach i mini wohnigstüre inechoh, bin am pc gsi (wohnigstür leidr nöd abgschlosse gha-->dumm) und den chlopfts a de bürotür und eifach die.

sie haend en nachricht vo mine nachbar überchoh das mini store immer dune seget und mis liecht brenni. sie hegi gmeint ich seg nömm am lebe.

im gliche atemzuug haends s guete hasch gschmäckli natürli mitüberchoh i de wohnig, haet die jung schmierlappe welle chli dumm tue, zum glück hani de ander kennt, isch mit mir id schuel.

sind den schön widr abgfahre.

[Jones]

ehm.. und du mit chopfhörer am game gsi oder was? da sött me mau chlopfe, klingle, rüefe, bevor meh ine wohnug ine geit. vermuetete tote hin oder här... lol

[thaeye]

ja ich am spiele, du sie haend glütet und klopft aber ebe mit chopfhörer und türe zue nah schwierig was z ghöre.

han mich den b i de nachbarin nah bedankt:) isch ja nett gmeint gsi, aber ebe. ufem land luegt meh na chli uf de nachber und kennt de dorfpolizist halt vo fruehner.

[Jones]

o dr jünger hätt dir nüt chönne...
hättsch chönne säge: danke, i läbe no, uf wiederluege und sie zur wohnig begleite...
ussert viellech sie hätte grad e ganzi plantage gfunde... lol

[thaeye]

ne halt eifach s gschmäckli, en plantage han ich eh nöd, sie haet den aber welle wüsse ob de hash im zimmer isch. lolz.

[Jones]

wiiber... lol

[Xinobrax2]

Quelle

[Xinobrax2]

Quelle

[zwirrlibatz]

sie isch super, die vo ghoustbusters.

[Xinobrax2]

Ich glaube oni d Kontaktlinse heti nid mal gmerkt dases Comedy isch...

[Jones]

dr alec isch wäutklass vor stimm her...
leider wie immer sehr eisitig. meh chönnt durchus meh i beidi richtige schiesse findi. Munition wär gnue da...

[zwirrlibatz]

meinsch wie d'Hillary insgeheim über chliini pimmel herzieht?