Raser und Poli DAS Premiumsegment-Auto Topen

[vectrex]

Seit dä wo am andere nonstop e recheschwächi vorwirft wege 1x denkfehler...

Ich wirf nid vor sondern stell lediglich fescht. Isch objektiv vo jedem überprüef- und feststellbar genauso wie die relativ schlächte Beschlünigungswärt vom S2000.

Ich ha übrigens au 1:1 Dini und am Tittemöngel sini Ussage zitiert i minere Signatur und nid irgend e subjektivi Interpretation wie das Du gmacht hesch ...

Fakt isch für mi:
wenni mi öpis sooooo dermasse stört, sötts mer sofort uffalle ussert ig bi nid eso e gmerkige...

"Fakt isch für mich" = subjektiv

Wenn du derfür es jahr bruchsch ok.. dis Problem...

Uff enere Probefahrt chasch das eh schlächt feststelle will mer näbe em Verchäufer das Ding ener nid uf 9'000 U/Min. ufejagt, klar oder? Denn hani das Auto im Spotherbscht kauft = denn sind Cabrios potentiell am günstigschte aber d'Zyt vo dr Pässefahrte scho vrby.

Flugs isch Früehlig und mer cha wieder richtig agase. Denn isch mer das offesichtliche Manko an Drehmomänt erscht richtig ufgfalle. Hä dänkt, gibsch em no e Chance und bi au emol es ganzes Wuchenänd mit em S2000 ins Elsass. Dete het sich dä Makel no mehr usekristallisiert.

Nach dr Summerferie denn die Gurke usgschribe und scho isch das Johr vrby gsi. Also was sött jetzt verwerflich nach dra si, es Auto es Johr lang z'bhalte und denn ersch Fazit z'zieh? Isch doch umso ussagechräftiger je mehr Erfahrige mehr mit emene Auto het.

Denn isches besser, so wie Du so e exponierti Meinig zumene Fahrzüg z'ha obwohl Du das Auto no kei einzige Meter gfahre bisch? Das meinsch doch wohl nid würklich ärnscht?

Übrigens: i ha mine o mit gwinn verchouft...

Freut mi für Dich. Isch bis jetzt bi eigentlich allne Autos so gsi woni nume churz gha han (Opel GT, BMW Z4 M, Golf IV R32). Sälber meche sei Dank ...

[Jones]

Stimmt.. wenn meh e Hochdrehzahl-Motor NID cha usdrehe, fallt eim d'drehmomentschwächi i de tiefe drehzahle NID uf...



Mit jedere Rechtfertigung versinksch meh und meh i dim eigete bullshit...

[vectrex]

Stimmt.. wenn meh e Hochdrehzahl-Motor NID cha usdrehe, fallt eim d'drehmomentschwächi i de tiefe drehzahle NID uf...

Klar fallts uf. Aber mehr goht halt drvo us, dass im Umcherschluss denn wenigschtens in de obere Drehzahlbereich e entsprächendi Leischtig chunnt.

Aber weder s'einte no s'andere trifft halt zue. 240 PS sind genauso wie 208 Nm absolut betrachtet wenig für dr stärkschti Roadster vomene Hersteller wo mit "the power of dreams" wirbt.

Villicht erwart ich eifach zviel vo somene 2-Liter-Zuckerwassermotörli?

[Jones]

Tja... Houptsach ke verlust gmacht bi dim fäuchouf....
I blieb trotzdem bi mire ussag dass nid so es hells chöpfli bisch wenn das nid sofort gmerkt hesch UND bi 240 ps fahrleischtige wie bime 320ps 3.2l erwartet hesch..

[vectrex]

Und ich blib drby, dass es en Erfahrigs- und Lernprozess isch. Drum sind Dini Ussage bezüglich meche, G60 und Z3 M fragwürdig. Es fehlt Dir ebe schlicht jeglichi praktischi Erfahrig uf dene Gebiet.

Dr Z3 M isch nach em S2000 cho, folglich hani dete no gar kein Verglych gha. Ha lediglich gmerkt, dass en S2000 kein Fisch vom Täller zieht und im Nachhinein isch mer bi dene technische Date und Fahrleischtige au völlig klar worde werum ...

[Jones]

du hesches o nach 948023840928409284 site nid begriffe, dass ig ke mech muess si zum:

- z'wüsse, dass e 1.8l mit lader trotzdem langsamer isch als e 1.6 vtec (was eigentlech pinlech isch)
- e z3m chotzhässlech z'finde
- vome 2l NA mit 240 ps öpä z'wüsse, was für fahrleistige realistisch si u was nid

gwüssi lüt hei halt e chli e längere lernprozess gäu..

[vectrex]

Und Du bisch absolut lernresischtänt wills nid in Din Schädel will, dass:

- Du eifach Behauptige ufstellsch wo nid stimmed:

https://zeperfs.com/en/duel712-1183.htm

Fazit: "The 2 vehicles have relatively similar performances with an advantage for the VW Golf II GTI G60 160 PS on recovery as well as on the track."


- Optik subjektiv und au gar nie s'Thema gsi isch
- en S2000 e absoluti Luftpumpi mit lächerlichem Drehmoment isch

[Jones]

also isch 0.4 s (so viu isch dr ee8 schneller uf 100) NULL ungerschied und 0.8 e riesige ungerschied lut dire logik...

und du wunderisch di, warum ig di nid cha ärnst näh?

machsch am ee8 e 1.8er (b18) ine, gseht dr golf aber soooowas vo ke land meh. geschweige denn, wenn dä no würsch uflade...

fazit: 1.8 mit g lader isch e komplette reinfall!

[vectrex]

Dr eint isch vo 0-100 es bitzli schnäller und dr ander drfür vo 0-80. Het mit Schaltvorgäng und so z'tue, weisch.

Also isch Dini Ussag do eifach Blödsinn:

- z'wüsse, dass e 1.8l mit lader trotzdem langsamer isch als e 1.6 vtec (was eigentlech pinlech isch)

Verschiedeni Konzept wo underem Strich öppe glichi Fahrleischtige ergebed - drum ebe s'Fazit vo zperfs wo sogar en Vorteil bim G60 gseht:

"The 2 vehicles have relatively similar performances with an advantage for the VW Golf II GTI G60 160 PS on recovery as well as on the track."

Aber Du als Honda-Fanboy weisch es natürlich wieder emol besser.

machsch am ee8 e 1.8er (b18) ine, gseht dr golf aber soooowas vo ke land meh. geschweige denn, wenn dä no würsch uflade...

Und machsch us em G60 en 16V G60 mit Tuning denn gseht en 1.8er (B18) wieder keis Land meh. Aber mir händs doch vo Originalfahrzüg gha, oder nid?

Abgseh drvo, dass es dr G60 als Syncro git und das bim ee8 weder für Gäld no für gueti Wort überchunnsch. Ebe fehlendi Ingenieurskunscht bi Honda ...

[Jones]

Schön usgwiche...
Ha nid meh erwartet vo sonere luftpumpi wie dir...

[vectrex]

Mehr hesch nüm z'säge, Du Witzballon? Stimmt s'Fazit vo zperfs öppe nid wills Dir nid in Kram passt?

Nach minere Logik isch es en Unterschied, ob es Fahrzüg wie dr Z3 M in >95% vo sätmliche Mässwärt am S2000 sowas vo überlege isch oder ob zwei Fahrzüg wie dr CRX VTEC und en G60 praktisch uf Augehöchi sind - also eins dört es bitzli besser isch und s'andere dete.

Und denn chunnsch mit irgen emene hypothetische Umbau, als öb mer das nume bi emene CRX EE8 mache chönnti. Am EE8 chasch no soviel umbaue, s'gröschti Manko blibt - nämlich dr fehlendi Allradatrieb. Genau wie bim aktuelle Civic Type R. 30 Johr spöter und Honda hets immer no nid glernt ...

Aber wird nur immer schön am Honda-Fanboy-Image grächt: Mimimimi ...

Am Schluss gilt was ich scho immer gseit ha: Alli Hersteller choched nume mit Wasser. Honda isch kei Usnahm und kein Überflieger. VW, Opel, BMW und diversi anderi Hersteller chönd das genauso guet oder sogar besser

[Jones]

Chasch dir dis gölfli no lang schönrede...

1.8 plus lader und ke meter schneller als e 1,6 NA...
plus denn no d'afälligkeit vo däm lader...

Ingenieurskunst gseht andersch us..

Und es outo mitere fahrwerkstechnisch schlächte basis mittels Power motor schnell mache spricht äbefalls die glich sprach...

German fanboy du...
Dä spruch gilt bi dir wiu du nur dütschi outos hesch. Ig hingege fahre sit x jahr ke honda meh also geit di Spruch is leere wie bi dir e Hirnschlag...

[vectrex]

Ich ha wenigschtens aktuell en G60 und en Z3 M und red mer nid wie en alte Maa andauernd Autos schön woni scho längschtens nüm ha ...

Chasches au umgekehrt gseh: 1.6 Liter Suuger und trotz Hochdrehzahlkonzept, 16 Ventil und VTEC kein Meter schnäller als en altertümliche 8-Ventil-Motor mit Kompressor. Drfür als Bouquet no drehmomentschwach wie nume öppis ...

Anschinend gönd d'Sprüch ebe nid ins Leere - suscht würdsch nid immer reagiere wie e beleidigti Läberwurscht, Du Honda-Fanboy ...

Wart, jetzt chunnts denn grad wieder: "Aber, aber, aber, mimimi ..."

[Jones]

dini eigeti ussag isch ja, dass das hochdrehzahlkonzept für nüt isch...
dennoch ischer schneller als e ufgladne mit meh hubrum. chasch no so lang versueche, das argument z'drehe. wirkt echli hilflos...

mimimi aber dr golf isch doch nur 8v... ums nomau mit dine wort z'säge....

[vectrex]

dini eigeti ussag isch ja, dass das hochdrehzahlkonzept für nüt isch...

Nö, in Kombination mit aständig Hubrum isches durchus interessant und faszinierend. So wies ebe BMW gmacht het.

Aber drzue ghört ebe e permanänti Modällentwicklig. Und die isch bim S2000 ganz sicher nid ghe wenn Honda 10 Johr es Auto motormässig glich baut.

dennoch ischer schneller als e ufgladne mit meh hubrum.

Isch ebe nid schnäller, das isch jo dr Witz an dr Gschicht.

Chasch nid oder willsch nid läse - für Dich gärn zum dritte Mol:

Fazit: "The 2 vehicles have relatively similar performances with an advantage for the VW Golf II GTI G60 160 PS on recovery as well as on the track."

Was verstosch denn an däm Satz nid - ich hilf Dir no so gärn wyter?

[Jones]

Offebar bruchts nid mau aständige hubrum um dr g60 stah z'lah...

Mimimi 8v, mimimi schaltzytpunkt...

Typische golf fahrer mit dine usrede bisch...

Woni die früeher ufem track versaget ha hei sie o immer e usred parat gha...

[Jones]

Dr vetrex holt sich trost nacheme trackday...

[vectrex]

Ich cha der nid mehr als Fakte liefere, und die spräched e völlig anderi Sproch als Du. Vo "en 1.8l mit lader isch langsamer als e 1.6 vtec" cha ganz sicher nid d'Red si. Kei Ahnig wie Du uf das chunnsch - völlig realitätsfremd.

Machsch Di höchschtens no mehr lächerlich als ohnehin scho ...

[Jones]

DU postisch e link, wo dr crx schneller uf 100 und o schneller uf 180 isch. (uf 200 wird nid gmesse)
i säge ahand dim link, das dr crx schneller isch (abgseh vo durchzug) und du fingsch das lächerlech?

okaaaaaay...


genau so dumm wie z'behoupte, dass e hochdrehzahlmotor nume guet sig mit viu hubrum/drehmoment..

hesch ja gloub weder bim 1.6er no bim 2.0er öpis bessers chönne nenne als die vo honda...

hesch denn eifach wieder umgschwänkt, dass mit F/I oder no meh hubrum no meh useholsch! isch ja logisch.

mit däm argumänt chani o dr z3m motor schlächt rede, und nimme eifach eine mit no meh hubrum und no meh leistig... (z.b. eine vo porsche)

mit dim absolut vs relativ bullshit chasch absolut JEDE motor schlecht rede ussert dr bescht vo allne!

aber dis spatzehirn wird das nie begriffe...

[vectrex]

DU postisch e link, wo dr crx schneller uf 100 und o schneller uf 180 isch. (uf 200 wird nid gmesse)
i säge ahand dim link, das dr crx schneller isch (abgseh vo durchzug) und du fingsch das lächerlech?

In däm Link sind 8 Mässwärt bzgl. max. Beschleunigung:

- vo 0-40 sind beidi glich schnäll
- bi 4 Wärt isch dr G60 schnäller
- bi 3 Wärt isch dr CRX schnäller

Bi de Durchzugswärt isch dr CRX hoffnigslos unterlege - gschänkt, do bini nonig emol druff igange ...

No Froge? Sorry aber was isch do dra nid klar? Du behauptisch eifach völlige Bullshit.

genau so dumm wie z'behoupte, dass e hochdrehzahlmotor nume guet sig mit viu hubrum/drehmoment..

Het jo Honda au eso gseh. Suscht wäreds nit vo 1.6 (CRX) uf 1.8 (Integra) uf 2.0 (Civic Type R). Und bim S2000 in dr USA vom 2.0 uf 2.2 Liter.

Aber denn isch ebe lang nüt meh cho währends bi andere Hersteller munter wyter und wyter gange isch ...

hesch ja gloub weder bim 1.6er no bim 2.0er öpis bessers chönne nenne als die vo honda...

Spielt doch absolut gar kei Rolle wenn "s'Konzept" in dere Fahrzügkategorie am Schluss glich unterlege isch, Mann ...

Das isch jo genau dr Witz an dr Sach. Die andere Hersteller händ ebe scho früher erkannt, dass eso uf längeri Sicht kei Blumestruss z'gwünne isch.

hesch denn eifach wieder umgschwänkt, dass mit F/I oder no meh hubrum no meh useholsch! isch ja logisch.

Klar isch es logisch aber es het jo Honda niemert zwunge bi so Pippifax-Hubrüm z'blibe wo uf längeri Sicht nid konkurränzfähig sind ...

mit däm argumänt chani o dr z3m motor schlächt rede, und nimme eifach eine mit no meh hubrum und no meh leistig... (z.b. eine vo porsche)

mit dim absolut vs relativ bullshit chasch absolut JEDE motor schlecht rede ussert dr bescht vo allne!

Denn zeig mer doch en Roadster vo Porsche Baujohr 1997 wo besseri Beschlünigungswärt het als en Z3 M. Schint jo gemäss Dir so eifach z'si ...

Vil Spass mit sueche und guet Nacht Du Honda-Fanboy ...

[Jones]

zums dir ignorant mal ganz eifach z'erchläre:


porsche GT3 RS motor: (gloub das isch dr sterchscht 6zyl N/A überhoupt)
500 PS us 4l = 125 ps pro liter
460 NM us 4l = 115 NM pro liter

(meh chönnt o 1st gen GT3RS näh und er wär immer no besser... )

S2000 motor in japan:
250 PS us 2l = 125 PS pro liter
218 NM us 2l = 109 NM pro liter

und itz näme mer zum verglich dr Z3M motor:
325 PS us 3.2l = 101 PS pro liter
350 NM us 3.2l = 109 NM pro Liter


zum thema absolut oder relativ:

isch dr F20 e schlächte motor / chraftlosi luftpumpi, wiu er weniger PS und NM het als dä vom BMW? wenn ja, isch dämfau dr BMW motor scheisse, wiu er weniger het als dr motor vom porsche? was isch das füre dämlechi logik?

und bim thema relativ chasch ja eifach PS und NM pro liter hubrum aluege und gsehsch, wele dass ufe hubrum bezoge am beschte isch / meischte useholt...

und bevor wieder mimimi machsch: i verlgiche d'motore. völlig schnuppe, ob nid alles roadster si... du seisch f20 = luftpumpi also rede mer vo motore...

[vectrex]

Du bisch so e Lachplatte.

Mir händ folgendi Autos vergliche:

- CRX VTEC vs Golf 2 G60 => beides hot Hatchbacks us dr gliche Epoche => Ergebnis relativ usgliche mit Vorteil bim G60
- S2000 vs Z3 M => beides die schnällste Roadster vo dene Hersteller us dr gliche Epoche => Ergebnis Z3 M isch praktisch in allne Diszipline hushoch überlege

Drum mini Frog:

Denn zeig mer doch en Roadster vo Porsche Baujohr 1997 wo besseri Beschlünigungswärt het als en Z3 M. Schint jo gemäss Dir so eifach z'si ...

Chasch nid läse - ich ha's extra unterstriche? Und jetzt chunsch Du mit emene GT3 RS? 20 Johr jünger und kein Roadster?

du seisch f20 = luftpumpi also rede mer vo motore...

Ich ha scho vo Beginn a gschribe: Relativ gseh isch en F20 beachtlich. Aber in Kombination mit emene Leergwicht vo mehr als 1300 kg gseh isch dr S2000 e absoluti Luftpumpi.

[Buccaneer]

Liebe Jones, Liebe vectrex

Mit eurer gemeinsame Liebi sind ihr beid es positivs Biespiel für alli User a im Forum. I dene schwierige Zyt wo sich die meiste Lüt mit Abneigig begägned, zeiged ihr was wahri Liebi isch und haltet trotz de widdrige Umständ zunenand.
Ihr sind en Quelle vo de Inspiration und es isch löblich, wie ihr mit lüchtendem Bispiel vorah gönnd.

Darum möcht ich euch im Name vom gesamte G folgendi Uszeichnig, wo euri gägesitigi Liebi symbolsiert, überreiche:

[Mastler(P)]

chönd ihr eu vorstelle, wies usgseh wür, wänn alli so lieb mitenand umgah würded?

[vectrex]

Liebe Jones, Liebe vectrex

Mit eurer gemeinsame Liebi sind ihr beid es positivs Biespiel für alli User a im Forum. I dene schwierige Zyt wo sich die meiste Lüt mit Abneigig begägned, zeiged ihr was wahri Liebi isch und haltet trotz de widdrige Umständ zunenand.
Ihr sind en Quelle vo de Inspiration und es isch löblich, wie ihr mit lüchtendem Bispiel vorah gönnd.

Liebe Buccaneer, ich dank Dir für Dini ehrliche und berührende Wort. Am Bischpil vom Jones und minere Wenigkeit zeigt sich wieder emol, dass Benzin (im Bluet) dicker als Wasser und s'Gegeüber mit eigentlich total simple Fakte schlussement ebe doch z'überzüge isch.

Au danke wott ich Dir, das Du dr Widder (mis Lieblingstier) in Dinere Red usdrücklich erwähnt hesch ...

Darum möcht ich euch im Name vom gesamte G folgendi Uszeichnig, wo euri gägesitigi Liebi symbolsiert, überreiche:

Viele herzliche Dank für die goldigi Banane. Die isch durchus hert erarbeitet gsi aber es het sich glohnt ...