Die besten Ninja Spiele aller Zeiten (1987 - 2022)

[Buccaneer]

Wo isch Teenage Mutant NINJA Turtles in Time?

ha nur druuf gwartet, bis das chunt

die sind mir eifach zwenig "ninja", weiss ned, wie ichs umschriebe söll...

eifach Prügel Games mit Ninja Skins...

[Master(G)]

genau...

sengoku 3 wär au so eis. zwar sehr guet. aber ned würkli es ninja game.

[DeftOne]

Also ufs Bugfest Ghostrunner hetsch chönne verzichte. Wohl s schlecht portierteste Game uf PS5 wo's git bisher. Und i ha au googlet denach PC Version schint au alles andere als perfekt zsi. Vilicht hents es ja viel mönet nach release mal no aständig here bracht, aber für mi n ziemliche Schrott.

Asuste gits natürli au no gueti Naruto Games wo wohl da niemert zockt het ussert mir, obwohl Naruto natürli au scho e ziemli alti und wohl erfolgrichst Ninja Franchise isch.

Mark of the Ninja isch aber au für mi e 2D Highlight und has gern zockt. Shank wo ja vom gliche Studio isch, isch ebefalls n sehr tolle Titel gsi.

[Buccaneer]

Han Ghostrunner erst chürzlich uf PC zockt. Lauft iwandfrei mit 4k 60fps.

[DeftOne]

Denn hents es vilicht mal no optimiert aber selbst ein Monet nach Release uf PS5 het mer wenig guets dezue gfunde im Internet. Abstürz, Soundproblem weg Rückspuele etc. werds au nüm alange, wils mi so gnervt het mit dene Soundproblem.

Amerke chamer da natürli au no. PC Release isch Oktober 2020 gsi, PS5 September 2021, i has Oktober 2021 gspielt und es isch zu sebem Ziitpunkt e Katastrophe gsi. Und da es s einzig Game isch wo uf minere PS5 problem gmacht het, lits ziemli sicher nöd a minere Konsole.

[Buccaneer]

PS5 weiss i nix drüber. Und PC chani nix säge, öbs zum Release schlächt optimiert gsi isch.
Aber isch nur fair, wenn mal n Port uf die ander Site ume scheisse isch lol.

Stell mer das Game mit Controller eh speziell vor. So schnell wie mer da chan / muss dreihe etc.

Edit: Also wenns eh scho hesch, würd i nomal n Chance gäh. Isch n geile Zock gsi.

[Master(G)]

ich ha ghostrunner uf de series x gspielt, nachem "nextgen" update. iwandfreie zock gsi! au mit pad super spielbar gsi.

[DeftOne]

Nee inelege werd i da nüm, i ha fast n Hörsturz kriegt wie da tönt het nachm zruckspuele. I zock au generell nöd ufm PC, isch nöd so ganz mis.

Amerke chamer au no, es isch e mal im PS Plus gsi, vo dem her hets jede mit PS Plus ziemli sicher au i de Bibliothek.

Falls i wiedermal uf sone Onehit-Game Lust ha, zock i doch lieber mal no Hotline Miami 2.

[Master(G)]

Ghostrunner isch jetzt es 2-Hit game. es gitt nämli en easy-mode sit neuschtem

[DeftOne]

A sowas stör i mi au nöd würkli. I ha kei Problem öpis so lang z probiere bis ichs schaff, aber ebe d Abstürz und die Soundproblem hent mi dazumal scho ziemli gnervt. Usserdem chömet halt au jede Monet no meh Games use wo i denn doch eher zocke wör / will als numel alles z zocke nur zums doch mal no z beende.

[Master(G)]

min pile of shame isch au gigantisch, chani nahvollzieh

[DeftOne]

Anderi säget Pile of Shame, i säg es isch mini Sammlig.

Ninja Blade us de Liste wär wohl s einzig wo i mal no zocke wör, wenn i mal Ziit finde wör. s meiste ha i aber au scho mal zockt bzw. das was so abm MD isch. Messenger wird ja glaub au no n Nafolger becho. Au wemmers natürli nur mässig guet mitenand vergliche cha Mark of the Ninja und Messenger, so find ichs halt vo de Optik mittlerwili scho agnehmer wie's Mark of the Ninja glöst het mitm Comic Look. Es git zwar au i dem Stil meh als gnueg, aber nachm 100. Indie-Game mit Pixeloptik ischs denn au guet. Messenger isch natürli trotzdem n guete Titel.

[Master(G)]

falls Ninja Blade spielsch, nimm dPC version! isch viel hübscher. xbox 360 version isch schlächt galteret...

[DeftOne]

Naja, PC isch halt würkli nix für mi. Höchstens mal wieder e Point n Click, meh bruch i döt nöd.

[damian]

Mini liebling sind Ninja Gaiden 1&2 fürs NES (ganz es anders spiel als Arcade) und Revenge of Shinobi MegaDrive. Alles nöd drin.

[Master(G)]

zwische Revenge of the Shinobi und Shinobi III Return of the Ninja Master isch für mich de fall klar gsi. teil 3 findi ich persönlich halt besser, sorry

und ninja gaiden ufem NES hani - wie ich gschriebe han im text - leider nöd eso cool gfunde. ich ha zu dere ziit lieber ninja gaiden ide arcade gspielt als ufem nes. #grafikhuur

ich has NES nie bsunders cool gfunde muessi ehrlich gestah. frevel ich weiss. ha zwar eis gah. aber nöd viel druuf gspielt. grafisch hett mich das 8bit ziitalter nie abholt. ich bin lieber id spielhalle go "richtigi" spiel spiele

[Alurios]

ich bin lieber id spielhalle go "richtigi" spiel spiele

*cries in Hinterwältler*

[Master(G)]

ich has glück gha, dass ich ide 80er grad zwei spielhalle vor de hustüür gha han. "domino" und "8-Ball" händ die gheisse. und die sind ab 16-jahren gsi. und am mittwoch namittag händ alligs freeplay gmacht, de hesch chöne alles gratis spiele, 4-5 stund lang.
billard und töggeli und darts händs au gha. shit, mir sind sooo viel abghängt i dene beide spielhalle. good times!

[Andy]

Super Shinobi esch de bescht.

[abyss]

Ninja Gaiden Black. Unerreicht.

[Master(G)]

vor paar Täg isch Ghostrunner Complete Edition usecho. hämmer eus agluegt:
https://www.thegnet.org/post/the-g-net- ... te-edition