Ich hanmr denkt ich mach mal en Infothread wo chli d optione ufzeigt für lüt wo e Arcade Händ und EMU/FPGA nutze wänd.
Jamma
Raspberry
Für Jamma gitz ultra vill optione. Es git verschiedene Jamma Adapter und Distros für de Raspberry. ZB de Pi2Jamma mit PinHP Distro oder de RaspberryJamma Adapter mit de ARpiCade Distro oder de RGB-Pi mit Jamma Adapter.
PC
PC mit Mame isch natürli au eption. Für Jamma gitz au verschiedeni Adapter zb de Klassiker wär de J-Pac oder s JammASD. Es git aber au anderi und au uf aliexpress würdme fündig. Ihr mönd unbedingt druf achte was ihr für e Röhre händ. Wenn euri Röhre VGA (Naomi) nimmt müendr d uflösig uf 640x480 istelle und en Encoder Platine fürd Buttons ha.
Wenn er en normale Jamma Kabelbaum händ und e normali 15khz Röhre müender luege dass eure PC 15 khZ usgit.
Es git 2 Optione die die einz heisst CRTEmudriver, das isch en modifizierte AMD Triiber. Das heisst ihr bruched e AMD Grafikkarte. Unterstützt werdend Karte bis ca R7/R9 Generation... Es git no d möglichkeit ds bios vor karte mitemne modifizierte BIOS z flashe damit ufm bootscreen auf 15kz usgeh werdend. ischa ber nid würkli nötig. Es git au e fixfertigi ArcadeVGA wo alles scho chan...
Die zweit Option heisst Soft15Khz, die funktioniert aber glaubi nur unter Windows XP und isch hützutags nüm z empfehle..
Es git glaub au verschiedeni Linux Distros wo euri Grafikkarte denn egal isch.. es isch sicher au möglich mitemne Standard Linux mitde richtige config 15khz uszgeh..
EDIT: Aschinend isch CRTEMUDRIVER nüm state of the art.. lueged dass ihr en adapter mit EDID Emulation händ denn bruchender das nüme
FPGA
Glaub das isch witläufig bekannt dasses en Jamma Edge fürde MisTer FPGA git..
Es git aber au Verschiedeni anderi Boards zb D JROK Board oder s Bitkit board.
Hanmi allerdings no nie meh dermit beschäftigt.
Model 2/3 Racer
PC
Es git es paar obskuri Lösige vo irgedwelche Adapter wo in gwüsse forene umegeistered, zb im aussiearcade.com Forum.. han die lüt auscho agschribe aber s isch schwierig die z verwütsche. Ei lösig gitz aber wo relativ guet beschribe isch und vo jedem umsetzbar isch:
Die lösig heisst M2Pac. M2Pac isch ansich kein fertige Adapter sondern e Aleitig mit Software und mit Standardteili wie Arduino, Poties de richtige Kabel etc chasch din PC mitm Original Drive und Lamp Board vo dim Model 2/3 Racer Cab verbinde und s Force Feedback und d Race Leader lämpli funktionierend aschinend glich wie im Original! Natürli chönder denn au anderi Racer dermit Spiele.
D aleitig fürs M2Pac gitz do: https://www.gamoover.net/Forums/index.php?topic=33274.0 (uf französisch)
Mittlerwiile gitzz na de Mega Adapter wo s ganze aschlüsse erlichteret und i dem trhead häts auno mega wichtigi infos was für software dass ihr bruched..
mega adapter gitz do:
https://www.arcade-projects.com/threads ... ets.27891/
Sega SuperScaler Games
Raspberry
Für die ganze SuperScaler Games wie OutRun, Hang On, Space Harrier etc gitz s SmartyPI Board. Das isch es Mainboard wo en Raspberry Pi 4 druffgsteckt würd. Denn gitz für die verschiedene Automate Adapter. Zb Gitz en Adapter für After Burner Cabs, eis für Power Drift Cabs,, zb au eis für Enduro Racer.
D Idee isch denn dassr uf allne "Flügerautomat" die Flugspiel wie After Burner, G Loc, Space Harrier etc spiele chönd, ufde töffautomate alli töffspiel und ufde auto automate alli autospieli etc. De SmartyPi und de Adapter isch so konzipiert dassr s originalboard ohni problem dermit ersetze chönd.
Atari Pole Position
Raspberry
Für Pole Position Cabs gits ds PiPosition Board. Ählich wie bim SmartyPi steckender döt den Raspberry druff und chönd nocher Pole Position 1 und 2 Spiele.
FPGA
De Kolleg vom John's Arcade Youtube Channel hät mal a somne FPGA Pole Position board gschaffed und hät au en blog im Internetz.. sit über 10 Johr hätme aber glaub nix me derfo ghört.. denke nid dass das na usechunt..
Lightgun Shooter
Für Lightguns gitz kei gschiidi lösig. Es git eifach die SInden Lightguns vo Kickstarter, die sölled aschinend au mit Röhrebildschirm tue. Leider sinds nüm würklli Lightguns wills e kamera ibaut händ und so s tracking mached :I
Im Prinzip söttis recht eifach si e Lightgun Adapter fürde PC z mache, wenn öpert langwilig hät wär das es super projekt wo öpertem mitm entsprechende wüsse chönti mache
Für die ganze Poti-basierte Spiel chöntme probiere ob echt es A-Pac go wür.
Han gad no folgendes gfunde.. s git öpis.. aber sehr schwer z finde: http://nanotechgaming.com/optigun.php
Falls ihr no öpis kenned oder froge diskussione händ sehr gern
