GELD TOPIC / Investoretopic / Gambling

[Jones]

also du hesch 2k igsetzt miteme 50er-hebel?

chasch aber nid dr isatz x 50 verliere gäu? süsch würd ja das nid länge, wo hingerleit hesch?

check so züg nid eso...

[Vyse]

Krass, jetzt hät er dä ganz Uusbruch wieder retraced, lol. Crypto halt. Zum Glück früehziitig miin Idiote-Trade gschlosse.

Genau, 50er Hebel. Du chasch soviel verlüüre, wie du riskiersch (unbedingt druff achte, dass im "Isolated" mode bisch, NIE uuf "cross" trade). Wänn kein Stop-Loss setzisch, verlüürsch 2K, wänn dä Priis um 2% gheit.

[Jones]

find's no krass, dass 50 oder 100x hebel chasch wähle, ohni das tatsächlech z'riskiere z'verliere...
huere gamble...

[Vyse]

Churz en Trade uuf SOL


Opened
01/18/2025 16:12:53
Closed
01/18/2025 16:51:03

5,269$ für 40min isch no easy

Isch en produktive Tag gsi hüt, glaubs bruuch jez en Drink

[Vyse]

Möglichs Szenario für morn. Evtl. trade ich das dänn, wänn sich dä Priis richtig verhaltet und paar anderi Indize defür spräched.
Chann aber au si, dass mier jetzt im völlig irre Abschnitt vom Bullemärt sind, dä SOL praktisch ohni Halt über dä ATH uuf 300 oder höcher schüsst und alles wie gstört nur uufwärts gaht, bis es dänn zünftig kracht.

[Vyse]

die werdet bald s nöchst gross ding, vo dem maa mit frisur us 80er werdet er au na vill ghöre (evtl au scam ), die sind alle uf adderral hüt unglaublich


Quelle

noi regierig wird villi traditionelli rüstigshersteller hinderfröge, und sötige meh ufträg geh, de typ isch en gspässige. vorteil für regierig isch das die privat gfundet sind und dregierig da chohle spare wird.
ipo sött folge , werdet aber sicherlich höch bewertet sii.

für vtler: ihr wüsset: andurl= flame of the west, palantir =sehendesteine, sie schaffet natürli zämä
FLAMME=WAFFE, SEHENDE STEINE= AI

Kei Ahnig, um was es da gaht, ich quotes mal, demit ichs nöd vergiss, mier das morn in Rueh mal ahzluege.

[Jones]

Isch en produktive Tag gsi hüt, glaubs bruuch jez en Drink

12k a ein tag?
Ja du... Chasch di nid bechlage...
Louft das regumässig eso erfolgrich?

Da wäri scho lang usgwanderet...

[Vyse]

Uuswandere? Ich bin doch kein Düütsche
Stolze Schwiizer, ich bliib miine Heimat treu.


Hey, ich tümple i däm Tradingsumpf siit 7 Jahr umenand, was alles ah Verlüscht verbuechsch, teilt nimert im Internet. Ich han i dänne 7 Jahr sicher 100K verlore, zum Glück viel meh Gwünn gmacht, aber dä meh duur guets Investiere als Trade. Mit em Trade han ich sGfühl tuet sich erscht siit öppe eme halbe Jahr bitz dä Chnopf uuf, es isch am Ändi en Erfahrigssach und die Erfahrig choscht viel Ziit, Gäld und Nerve.

[thaeye]

es git sehr wenigi trader wo über en sehr langi duur würkli stabil gwünn fahret. langfristig erfollgrichschte isch Index Investing mit DCa (ich wür z.b eifach de S/P 500 chaufe). Zineszins effekt und Gebüre und ziitersparnis.

Erfolgsaussichten von aktiven Tradern

Laut einer Analyse der Day-Trading-Performance in Brasilien (2019):
Von 97.000 Day-Tradern schafften es nur 0,4 %, nach Kosten und Gebühren konstant Gewinne zu erzielen.
Die Mehrheit der Trader erlitt Verluste oder konnte maximal ihre Kosten decken.
Langfristige Studien aus den USA, wie die der SEC, zeigen, dass nur etwa 1 % der Trader auf lange Sicht erfolgreich sind.

und bis mal stabil gwünn holsch, bruchsch einiges a erfahrig und au chohle wott verlürsch. defür lernsch gnau us und istiegsziitpunkt z definiere und ziehsch das wenn das chli guebt häsch den au spötr dure, noed wien ich wo sini targets immer umemovt und dur das au scho vill geld liege lah/verlore ha.

und vyse: mal informiere wenn 50/100er hebel isetzisch , was passiert bi margin call. bi extreme marktbewegige muesch extrems ufpasse. villi abüter haend zwar en negativsaldoschutz.

[Vyse]

Ich verwände Hebel je nach Märtsituation und miine Iischätzig, normalerwiise nöd meh als 3x - 7x, geschter isch hani dSituation als extrem vorteilhaft iigschätzt und das hät sich bewährt. Ich hätt sölle dNacht duuretrade, gopf, hätti jetzt vl. 100K. Bin gester Abig no in e relativ safe Position iigstige (meh oder weniger entsprächend miine letschte Chart) und die laufe lah. Isch easy, 4K Plus jetzt aber wäri aktiv debi gsi...

Ich trade im Isolated Mode, heisst, liquidiert chann nur das werde, wo au als Margin iisetzisch, nöd meh, Stop-Losses sind natürli e Notwändigkeit.

Bi däre Studie wär au wichtig zwüsse, wieviel Erfahrig die jewiilige Trader mitbringed und wie hüüfig dass traded. Hochfrequänt Trade isch Shite, je hüüfiger dass Trades iigahsch, desto grösser dChance, dass verlüürsch, Selektivität machts miine Meinig nah sehr viel uus.

[Buccaneer]

Ich verwände Hebel je nach Märtsituation und miine Iischätzig, normalerwiise nöd meh als 3x - 7x, geschter isch hani dSituation als extrem vorteilhaft iigschätzt und das hät sich bewährt. Ich hätt sölle dNacht duuretrade, gopf, hätti jetzt vl. 100K. Bin gester Abig no in e relativ safe Position iigstige (meh oder weniger entsprächend miine letschte Chart) und die laufe lah. Isch easy, 4K Plus jetzt aber wäri aktiv debi gsi...

Ich trade im Isolated Mode, heisst, liquidiert chann nur das werde, wo au als Margin iisetzisch, nöd meh, Stop-Losses sind natürli e Notwändigkeit.

Uf welere platform?

[Vyse]

Binance, siit Jahre scho, no nie es Problem gha.

[Buccaneer]

Scho mal en grössere betrag usegno und uf s eiget konto überwise?

[Vyse]

Nei, das tatsächlich nonig aber bekümmered mich au nöd, i somene Fall würi Bitcoin chaufe und die mier überwiese.

Extrem schlächti Erfahrig hani mit Coinbase. Scho vor Jahre händs immer wieder Underbrüch und Systemüberlaschtige gha, hüüfig grad, wänn Hypes losgange und dLüüt uuf dBörse gströmt sind. Hättsch chönne meine, sie hägged uus dä Fähler glernt (Binance hät glernt und händ nach 2018 oder so starch i Leischtigsreserve investiert) bi Coinbase säg dä gliich Scheiss passiert grad vor paar Woche. I siebe Jahr händs es immer nonig härebracht. Stell dier vor, dä Kurs gheit, du willsch interveniere aber dä Scheiss funktioniert nöd, oder willsch chaufe, mega dä Uusbruch aber bisch uusgschlosse, will dä Lade überlaschtet isch. Dass die Kackbude sich so etabliert hät, isch mier es Rätsel.

[thaeye]

solana pump au weg Trump meme coin , er haet tatsächlich en verfiggte rug pull coin gmacht. es fangt scho aaaa aber ebe ich mein jede weiss i waser da investiert (ohni entwickligsmap nix).

https://coinmarketcap.com/currencies/official-trump/

[Vyse]

Das isch anschiinend würkli offiziell, wtf Mann?

Am Ändi gahts um dä Gwünn. Git Lüüt, die traded XRP. Dräcksprojäkt aber solangs Profit abwirft, who cares? Klar, irgendwo gits e Gränze. Wahrschiinli tuesch diine Würd und diim Charakter kein Gfalle, wänn mit dä gruusigschte Sache Gäld machsch, wo für dich grundsätzlich moralisch nöd verinbar sind aber das muen jede mit sich uusmache.

[thaeye]

fast 14Bio dollar marketcap

in knapp 48 stunde churz zur 15 grösste cryptowährig worde

[thaeye]

aud melania mit ihrgem eigete coin

über nacht gueti bewegig geh au bim btc alli wartet uf d executive orders hüt

[Jones]

Git Lüüt, die traded XRP. Dräcksprojäkt aber solangs Profit abwirft, who cares?

warum meinsch? wege de fehlende dezentralität?

[Vyse]

Krassi Voltilität, grad nomal für dBTC-Position nakauft im Flashcrash. Immer bitz scary aber da mueme duure.

[Vyse]

warum meinsch? wege de fehlende dezentralität?

Muesch mal bitz die Richtig recherchiere aber ja, Dezentralität nöd vorhande, was wiederum diversi Implikatione hät, Urheber händ uuuhuere viel Coins für sich, Banke-Connection, vermuetlich koordinierte Pump n Dump Aktione, es git etlichi Pünkt meh, alles gäge dä Ethos vom Space (aber das sind mittlerwiile 99% vo anderne Projäkt au). Fundamental wär Ripple für mich nüüt längerfrischtigs aber für dä Bullrun bewährts sichs, das isch alles, was zählt.

[Jones]

ja das hani alles o scho gläse...
aber wie du säuber seisch, isches huere viune ort genau glich...

für mi hets sech bis itz bewährt... und wenn die prognose irgendwenn iträffe, hani e schön batze...

[Vyse]

Eine vo miine erschte und gröschte Fähler im 2017 isch gsi, nöd uuf dä Profit gachtet, sondern unglaublich verbisse ahmene Projäkt feschtghalte zha, so sehr, dassi unfähig gsi bin dä Scheiss zverchaufe, wänns ahgmässe gsi wär. Dänn Bäremärt, 80%-90% under Wasser und dänn chasch eh nüüt me mache, als warte oder en extreme Verluscht hiiznäh.
Guet, so gahts mier immerno aber nur no uuf dä Bitcoin bezogge, wobii, ein Bitcoin verchauf ich dä Bullrun, alles andere isch en Trade für mich.

[Vyse]

Guete Punkt

Quelle

[thaeye]

TRUMP JUST SAID HE WILL ISSUE THESE EXECUTIVE ORDERS TODAY:

1. DECLARE A NATIONAL EMERGENCY AT OUR SOUTHERN BORDER

2. DESIGNATE CARTELS AS FOREIGN TERRORIST ORGANIZATIONS

3. DECLARE A NATIONAL ENERGY EMERGENCY

4. ESTABLISH THE EXTERNAL REVENUE SERVICE TO COLLECT TARIFFS

5. ESTABLISH THE DEPARTMENT OF GOVERNMENT EFFICIENCY

6. IMMEDIATELY STOP ALL GOVERNMENT CENSORSHIP AND BRING BACK FREE SPEECH TO AMERICA

7. STOP ALL DEI INITIATIVES IN THE GOVERNMENT AND ESTABLISH THAT THERE ARE ONLY 2 GENDERS

Crypto order muen na warte, git wichtigers

übrigens haet d firma vom trump wo TRUMP und MELANIA usegeh haet, hüt fett BTC kauft

Michael Saylor
@saylor
The company of the 47th President of the United States just bought $47 million in Bitcoin.